Wag kang maghanap ng image... imahe na yang mababasa mo sa baba... Nakakainis nga lang...
- Nakakainis ang mga taong pinagbubuksan mo na ng pinto, di man lang magpasalamat.
- Nakakainis ang mga pulitikong may escort na ubod ng yabang at akala mo sa kanila ang kalye.
- Nakakainis ang mga driver ng jeep ng Patok na ang lalakas ng sounds pero ang hihina ng utak.
- Nakakainis din ang mga taong pinagbuksan mo na, dadaan lang at ginawa ka pang “Doorman”.
- Nakakainis ang mga tricycle driver na naninigarilyo kahit may nakaupo sa likuran ng motor nila.
- Nakakainis din ang jeepney driver na naninigarilyo pero may No Smoking sign sa loob ng jeep.
- Nakakainis din ang taxi driver na naninigarilyo at magbubukas lang ang aircon pag pinara mo na.
- Nakakainis ang bus driver na nakikipagkarera, pero pagdating ng uwian, antagal mag-abang ng pasahero.
- Nakakainis ang mga babaeng pagpasok sa bus, magsasalita agad ng “Wala bang Boy Scout jan?”
- Nakakainis din ang mga lalaking nagtutulug-tulugan pag ayaw magbigay ng upuan kahit sa matanda o buntis.
- Nakakainis ang gwardyang hindi ka hahanapan ng gate pass papasok pero hahanapan ka palabas. Tragis talaga!
- Nakakainis ang gwardyang porke naka-t-shirt ka lang, iinspeksyunin ang lahat ng gamit mo.
- Nakakainis ang mga ‘yuppies’ ngayon na nagsusuot ng fake na gamit. Fake na Oakley shades, fake na Tag Heuer na relo, fake na mukha... ‘Nak ng peke!
- At nakakainis din na ipangalandakan ang kanilang mga cellphones na di naman totoong Iphone! Maigi pa ang analog na cellphone, basta totoo!
- Nakakainis din ang mga magkaka-opisinang pagkalalakas ng mga boses sa loob ng sasakyang pampubliko, ambabarat naman sa pamasahe! Nagpapasahan pa kung sino magbabayad... P’tcha!
- Nakakainis ang mga personnel officer na gumagamit ng kanilang kapangyarihan para makamit ang gusto.
- Nakakainis ang mga sasakyang sa likod mo na pag patak ng luntiang ilaw sa traffic light ay kasunod ang busina nila.
- Nakakainis ang mga amoy pokpok sa elevator.
- Nakakainis ang mga ka-opisinang akala mo may pagmamahal sa trabaho pero sinasayang ang oras sa pag surf ng net at pag sulat ng mga reklamong tulad nito.
- Nakakainis ang mga MMDA, Pulis, at tao sa katungkulan na nagka-counterflow na nagiging sanhi ng mas mabagal na daloy ng trapiko.
- Nakakainis din ang mga Nanay na tinatakot ang kanilang anak sa pamamagitan ng pagsabi ng “hala ka, kukuhanin ka ng pulis” o di kaya’y “wag ka maingay, magagalit si father”
- Nakakainis din ang pulis na nangingidnap.
- Mas lalong nakakainis ang paring mainitin ang ulo.
- At ubod na nakakainis ang mga madreng saksakan ng pagka-strikta!
- Nakakainis ang mga magulang na pinanindigan ang pagiging MA-GULANG sa lahat ng bagay! Gets nyo? MAGULANG?!
- Nakakainis ang purchaser na “TAPAT”. Sya yung purchaser na may supplier na kakilala, pagkatapos kumuha ng mababang quotation sa ibang supplier, pata-TAPATan sa kakilalang supplier. Siguro may porsyento, no?!
- Nakakainis ang taong walang kusa sa mga gawain sa loob at labas ng bahay o opisina.
- Nakakainis ang mga taong tingin sa sarili ay sila ang sentro ng mundo! Mga GAGO!
- Nakakainis ang mga taong kahit kausap mo, pindot pa din ng pindot ng cellphone nila.
- Nakakainis ang mga taong anlalakas ng boses pag may kausap sa cellphone.
- Nakakainis ang mga taong naninigarilyo at di man lang iniisip ang kanilang mga katabi.
- Nakakainis ang mga nagmomotor na ginagamit ang sidewalk para lumusot. Subukan nyong ako masalubong nyo...
- Nakakainis ang mga taong sumisingit sa pila.
- Nakakainis din ang nakikipag unahan sa pila palabas sa bus, at lilipat lang pala.
- Nakakainis ang mga taong umaabuso ng Senior Citizen ng kanilang mga lolo at lola!
- Nakakainis ang mga cashier sa fastfood na bibigyan ka ng 2 pirasong table napkin kahit gano kadami ang inorder mong pagkain. Sabagay, nakakainis din ang mga customer na hihingi ng madami para itago lang at gamitin sa CR. Nyeta!
- Nakakainis din ang mga kamag-anak na nakikialam sa buhay ng may buhay porke sila ang nakayayaman.
- Nakakainis din ang mga taong wala na lang ginawa kundi ang makialam pero pag sila ang napagsasabihan, nagagalit.
- Nakakainis ang mga animo’y santo o santa pero hayop magmura!
- Nakakainis din ang mga katrabahong usisero at usisera na pag inabutan kayong nag-uusap sabay “ano yon?!”
- Nakakainis ang mga taong pag tinanong mo, ang layo ng sagot. Pag pinaliwanag mo, di naman pala naintindihan.
- Nakakainis din ang mga katrabahong nangingialam pero wala naman alam. Tragis!
- Nakakainis ang mga katrabahong mukhang pokpok manamit, kahit hindi bagay! Nyeta talaga!
- Nakakainis ang mga ka-bro at ka-sis sa isang organisasyon na nakikilala at naaalala ka lang pag may kailangan sayo. Parang isang cellphone, “user-friendly”
- Nakakainis ang humihingi ng Splenda, Nutra-Sweet, o kahit anong sweetener sa coffee shop, di naman gagamitin at iuuwi lang sa bahay.
- Nakakainis ang mga saleslady/salesmen na pag tinanong mo kung ano available sizes, isasagot sayo kung magkano yung item.
- Nakakainis din ang mga customer na tanong ng tanong ng size na available, di naman bibili.
- Nakakainis ang mga nagbabasa nito na nakarating na sa No. 48, tawa pa din ng tawa. Di man lang inisip na sila na ang tinamaan! Kala nyo biro lang to? Hindi!
- Mas nakakainis ang mga taong di man tinamaan ng kahit ano dito, at nakuha pang magalit.
- Mas nakakainis kung ang lahat ng mga nakasaad dito ay ginagawa mo...
Malamang guilty ka sa iba sa mga ito pero yun ang totoo. Ako din naman - di ko pinagkakaila na guilty ako sa iba sa mga nakasaad dito. Pero pinipilit kong magbago. Ikaw, kelan ka magbabago?
